البنوك g الصكوك : صوت و صدى

[هندي البقمي]

اعضاء هذا الصرح الشامخ اضع بين ايديكم ابيات صدى لصوت ارسله لي اخي الشاعر القدير / محمد الاسلمي الشمري لعل ان تنال استحسانكم جميعا :

الصوت من محمد الشمري :

( البنوك )

ياراس مالي يارصيدي في البنوك=بنك الصداقه حضرتك فيه الرصيد
والنعم ياسيف ذخرته للزمن=لاعوكست بقعا نصابه في يدي ...
ياصاحبي مايلحق الطيب شكوك=قد قالها عبيد العلي ابن الرشيد
شبحي وشبحك للثريا ماطمن=ماينزل بشبحه سوى اللاش الردي ...
قدرك كما اخويه وانا من قدر اخوك =لابالله الا اخوان يالسيف الحديد
مانلتفت للي بخسها بالثمن=لو كان يرمي في سماها ويعدي ...
تقول هاك الطيب وانا اقول دوك=ناخذ ونعطي مع هل الراي السديد
خلو سمين العلم يقفاه السمن=دام انها لحية بروقن ورعدي ...
قدام يفصل سلك من بين السلوك=اقر الرسايل وسط مظروف البريد
معروف مقصدها ولاتنشد لمن=هاك البروق اخاف يلحقها بردي ...
ياشاعر قافك ليا قلت محبوك=نبي سمال الثوب مانبغى الجديد
وان كان عارض قولنا راع اليمن=اقول ليل الشك ليلن سرمدي ...
تم الكلام ودربنا مافيه شوك=تراه واضح مقصدي عبر القصيد
عسى النوايا يارفيقي يسلمن=عن الجماعه كل ابوهم مقصدي ...

وكان الصدى مني :
( الصكوك )

ياصاحبي يا الشمري لا فض فوك=انا اشهد ان قافك كما الشول العنيد
غزايزن ما اخبر لغيرك درهمن=لو هو لهن يا الاسلمي يذبح فدي ...
جتني وانا فكري هواجيسه بروك=وهوبلت للي ما تفشل فالشديد
لو هي حمايل شدها طنن و من=وضحن سنادن كنها نور الجدي ...
ما ساقها الا هرجك اللي كالصكوك=يومك توصي واحدن مجده تليد
تقول حاذر من محوقت الدمن=واقول هاك الرد واصحى يابعدي ...
ياصاحبي صاحبك مايبغى حنوك=محنكه راع الوفا جزل المديد
ويبخص حساب الثلث وحساب الثمن=ويعرف غليل الكف والكف الندي ...
ولاهو مضريها على طمر الشبوك=صاحبك لا تقلق ترا باسه شديد
لو هي همومه فوق صدره خيمن=يعرض الخبلان خطن جرهدي ...
جاك الجواب اللي من العزه يصوك=ياصاحبن قدره على غيره يسيد
في مهجتي من جزل فعله قد كمن=وسلامتك يا راعي الكف الندي ...

وســلامــتــكــم

[البـــرنس]

الله الله الله

صوت وصدى اكثر من رااائع امتعتونا

صح لسانك و لسان محمد الشمـري

تحيااااتـي لك

[نداء الغيداني]

صوت وصدى رائع جدا
صحت السنتكم

بانتظار جديدك الممتع دائما

[البدر]

اللهـ عـــليكم صح السنتكم وبيض الله وجيهكم

لاهـــــــــنت

بنتظااااااااار جديدكـ ياهندي

تحـــــــــــــــــيتي..

[أحمد بن ناحل]

الله الله الله


دائمًا إلتقاء المبدعين يكون في القمة

أبو علي و أبو عبدالله


مساجلة كل مافيها من الطراز الفاخر

صح لسان محمد على البدع الرائع وصح لسانك ياهندي على الرد الوافي

عادتكم الجزالة في كل علم طيب شعر وإلا غيره

شكرًا يبوعبدالله على نشر هذه المساجلة الرائع

تحياتي لك

[شـــاهــر]

صوت قوي

ولصدآهـ دوي

شعراء كبار ومساجلة موفقة ودام الشعر بخير

محمد الشمري وهندي البقمي آسمآء لآمعة في الشعراء الشباب

الله يحفظكم وصحت السنتكم


تحيآآآتي

[رفـيـع الـــشاان]

الله الله

ياهندي البقمي ومحمد الشمري

صح الله لسانك ولسان محمد مساجله جميله

لاهنت

تقبل تحياتي وتقديري

[أبو متعب]

الله على هذا الإبداع

مساجلة رائعة وشعراء أروع

صحت ألسنتكم ولاهنتم


إبداع متفرد ليس بغريب عليكم

[جريح الفرقا]

صح السانك وصح السان الشاعر الرائع محمد الشمري


ونعم الصداقه والصديق


لاهنت الله يعطيك العافيه